Колледж туралы

      Жамбыл облысы,Тараз қаласында  орналасқан техникалық және кәсіптік білім беру саласында,саналы тәрбие мен сапалы білім беріп,өңірді сұранысқа ие мамандармен қамтамасыз етіп келе жатқан   білім ордасы-Тараз «Парасат» колледжі.

    Колледж басшысы - педагогика ғылымдарының кандидаты, Қазақстан Республикасының  Білім және  ғылым министрлігінің  Ыбырай Алтынсарин төс белгісінің иегері, оқу ісінің үздігі  Имандосова  Бақыткүл  Самұратқызы.

Тараз «Парасат»  колледжі» мекемесіне білім беру қызметімен айналысуға «Қазақстан Республикасы Білім және ғылым министрлігінің Білім және ғылым саласындағы бақылау комитеті Жамбыл облысының Білім саласындағы бақылау департаменті» мемлекеттік мекемесімен 2004 жылы 27 сәуірдегі берілген  № 0010005  лицензиясы бойынша жұыс жасап келеді.

Тараз «Парасат» колледжі оқу-тәрбие үрдісінде жеткен жетістіктері үшін колледж «Қыран» Аймақтық Тұтынушылар Лигасы тәуелсіз тұтынушылар сараптамасы сертификаты, «Алтын Қыран» халықтық сапа белгісімен және «Халық таңдауы» дипломымен марапатталған. № 00041 07.07. 2010ж.

     Сонымен қатар аталмыш білім ордасының лицензия мерзімі шектеусіз.  Бүгінгі танда колледже 16  мамандық 18 біліктілік  бойынша  1500 жуық білімгер білім алуда. Колледж өз іргетасы қаланғалы бері, 6 мыңнан астам сұранысқа ие мамандар даярлап  шығарып, қазіргі таңда олар Республикамыздың түкпір –түкпірінде жұмыс жасап,еліміздің дамуына өзіндік үлестерін қосуда.

      Колледжде «Педагогика және Құқық», «Бизнес және Техника», «Дене тәрбиесі және спорт»  және сырттай оқу бөлімдері бар,мамандық түрлеріне қарай төрт кафедраға бөлінген. Оқыту тілі- мемлекеттік және орыс тілінде жүргізіледі.

     Колледжде 70- тен  аса оқытушы дәріс береді. Қазіргі таңда Тараз «Парасат» колледжінің оқытушылар құрамында 1- педагогика ғылымының кандидаты, 1 «Ы.Алтынсарин» төс белгісінің иегері, 1 "Білім беруді дамытуға қосқан үлесі үшін" медалі иегері, 3 «Еңбек үздігі» құрметті атағы иегері,  3 «Ғасыр ұстазы» төсбелгісі иегері,

29 магистр: экономикалық ғылым магистрі - 5, биология магистрі -4, педагогика ғылымдарының магистрі-8,  техникалық ғылыми магистрі - 6; заң ғылымдарының магистрі - 3, стандарттау және сертификациялау ғылымдарының магистрі-1, 2-әлеуметтік ғылым магистрі  қызмет атқаруда.

         Тараз «Парасат» колледжі облысымыздағы техникалық және  кәсіптік орта білім беретін танымал оқу орындарының үштігінде болып саналады.

     Қазақ Спорты және Туризм академиясының «Спорт жұлдыздары» республикалық ғылыми - әдістемелік журналының ұйымдастыруымен өткізілген «Жыл үздіктері-2018» марапаттау бойынша «Үздік спортқа жанашыр колледж -2018» номинациясымен, ал колледж директоры Б.С.Имандосова «Дене шынықтыру және спортқа қосқан үлесі үшін» төсбелгісімен марапатталды.

   Қазақ спорт және туризм академиясы «Спорт жұлдыздары» республикалық ғылыми-әдістемелік журналы «Парасат» Тараз колледжін «Үздік, спортқа жанашыр колледж-2018» деп танығанына біршама уақыт өтсе де біздің колледж осы  дәрежені  әлі де алда ұстап  келеді.

    Колледждегі «Дене тәрбиесі және спорт» мамандығының білімгерлері, біздің  мақтан тұтар білім алушыларымыз,  әлемдік, республикалық, облыстық жарыстарда жүлделі орындарға ие болып, болашақ мамандықтарының мәртебесін биікке  көтеруде.

   05-10.11.2018ж-Жамбыл облысы әкімдігі білім басқармасының «Ғылыми-тәжірибелік дене шынықтыру орталығы» техникалық және кәсіптік білім беру мекемелерінің студенттері арасындағы облыстық спартакиадасында елеулі үлес қосқаны үшін Тараз «Парасат» колледжі марапатталды.

2018ж. Жамбыл облысы әкімдігі білім басқармасының «Ғылыми-тәжірибелік дене шынықтыру орталығы» техникалық және кәсіптік білім беру мекемелерінің студенттері арасындағы облыстық спартакиадасында Тараз «Парасат» колледжі жалпы командалық І-орынға ие болды.

    2018ж- ҚР тұңғыш Президенті күніне арналған Тараз қаласы ЖОО мен колледж студенттерінің арасындағы дәстүрлі спартакиадасында баскетболдан ұлдар арасында  ІІІ орынды иеленді.

    2018ж- Жамбыл облысы әкімдігінің дене шынықтыру және спорт басқармасы ұйымдастырған «Жастар-терроризм мен экстремизмге қарсы» ұранымен Жамбыл облысындағы техникалық және кәсіптік білім беру мекемелерінің студенттері арасындағы спартакиада,да жалпы  командалық есепте ІІІ орынды иеленді.

      2021жылы Қазақстан Республикасы Тәуелсіздігінің 30 жылдығына орай Жамбыл ауданында өткізілген «Жас Барыс»  облыстық сайысында Тараз «Парасат» колледжінің  екі білімгері  Серік Береке Мәлікұлы, Сағатай Бекзат Нұрланұлы бірінші орын  иеленді.

      2021 жылы желтоқсан айында Жамбыл облысы әкімдігінің білім басқармасының «Ғылыми-тәжірибелік дене шынықтыру» орталығымен ұйымдастырылған техникалық және кәсіптік білім беру білімгерлері арасында кіші футболдан облыстық турнирінде Тараз «Парасат» колледжі бірінші орын иеленді. 

   2022 жылдың маусым айында Қазақстан Республикасы Білім және Ғылым министрлігі «Ұлттық ғылыми-практикалық дене тәрбиесі орталығы» ұйымдастыруымен Орал қаласында өткен «Ұлттық спорттық лига» аясында волейболдан (ұлдар) техникалық және кәсіптік, орта білімнен кейінгі білім беру ұйымдарының арасында республикалық жарысынан Тараз «Парасат» колледжінің командасы бірінші орын  кубогын жеңіп алып, бірінші орын дипломымен марапатталды.

       2022ж- ҚР Білім және Ғылым министрлігі «Ұлттық Ғылыми-практикалық дене тәрбиесі орталығы» РМҚҚ І –дәрежелі дипломмен колледж директоры Б.С.Имандосова марапатталды.

       «Парасат» Тараз колледжі жан-жақты білімді, кәсіби мамандығын жете игерген, қабілетті, сұранысқа ие іскер маман дайындау жолында білім беру саласындағы  заманауи оқыту технологияларын оқу үрдісіне белсенді қолданып келе жатқан білім ордасы.